"Yuventus"dan baş məşqçi ilə bağlı qərar
0
"Yuventus" baş məşqçisi İqor Tüdorla bağlı qərar verib.
Sportal.az xəbər verir ki, A Seriyası nəhəngi xorvatiyallı mütəxəssislə yola davam edəcək. Bu barədə klubun idman direktoru Damien Komollu məlumat verib:
"Tüdorla sadəcə klublararası dünya çempionatında deyil, növbəti mövsümdə də davam etmək qərarı verdik".
Qeyd edək ki, İqor Tüdor bu ilin mart ayında "Yuventus"un baş məşqçisi təyin olunub. Turin təmsilçiisi onun rəhbərliyi altında A Seriyasını 4-cü pillədə başa vurub və Çempionlar Liqasına vəsiqə qazanıb.
