Seksual zorakılıq ittihamı ilə 2 il şərti həbs cəzası alan futbolçu rəsmən İran klubunda
0
Vissam Ben Yedder karyerasını İranda davam etdirəcək.
Sportal.az xəbər verir ki, 34 yaşlı hücumçu ilə müqavilə imzalandığını "Sepahan" klubu rəsmi olaraq elan edib. Keçmiş "Monako" və Fransa millisinin futbolçusu 2024-cü ilin may ayından bəri rəsmi oyun keçirməyib.
Noyabr ayında o, seksual zorakılıq ittihamı ilə 2 il şərti həbs cəzası alıb. Bundan əlavə, keçmiş həyat yoldaşına qarşı psixoloji zorakılıq ittihamı ilə bağlı araşdırma davam edir.
Qeyd edək ki, 2023/24 mövsümündə Ben-Yedder Liqa 1-də 32 oyun keçirib və 16 qol vuraraq komandasının ən məhsuldar futbolçusu olub.
