"Qalatasaray" "Tottenhem"in futbolçusu ilə anlaşdı
0
"Qalatasaray" yarımmüdafiə xəttini yeni oyunçu ilə gücləndirməyi planlaşdırır.
Sportal.az xəbər verir ki, İstanbul nəhənginin əsas hədəfi "Tottenhem"də çıxış edən İv Bissumadır. Bu barədə insayder Saşa Tavolyeri məlumat yayıb.
"Sarı-qırmızılar" malili futbolçu ilə şəxsi müqavilənin şərtlərini razılaşdırıb. "Qalatasaray" 28 yaşlı yarımmüdafiəçini satınalma bəndi ilə icarəyə götürmək üçün İngiltərə klubu ilə danışıqları davam etdirir.
Qeyd edək ki, "Tottenhem" İv Bissumanı 2022-ci ilin yayında "Brayton"dan transfer edib. Mali millisinin üzvü ötən mövsüm London təmsilçisinin heyətində meydana çıxdığı 44 rəsmi matçda 2 qol vurub.
