"Beşiktaş"ın sabiq futbolçusu "Fənərbaxça" ilə anlaşdı
0
Türkiyənin "Fənərbaxça" klubu növbəti transferini yekunlaşdırmaq üzrədir.
Sportal.az xəbər verir ki, İstanbul nəhəngi "Əl-Nəsr"də çıxış edən Anderson Talişkanın keçidini həll edib. Bu barədə insayder Fabritsio Romano məlumat yayıb.
"Fənərbaxça" 30 yaşlı braziliyalı hücumameyilli yarımmüdafiəçi ilə 1,5 illik müqavilənin şərtlərini razılaşdırıb. Talişka bu gecə İstanbulda olacaq.
Qeyd edək ki, Anderson Talişka daha əvvəl Türkiyədə "Beşiktaş"ın formasını geyinib.
