"Barselona"nın müdafiəçisi "Qalatasaray"a keçə bilər
0
"Barselona" Andreas Kristensenin mövsümün sonuna başa çatan müqaviləsinin müddətini uzatmayacaq.
Sportal.az xəbər verir ki, danimarkalı müdafiəçi azad agent statusu ilə klubu tərk edəcək. Bu barədə "Fichajes" nəşri məlumat yayıb.
Kristensen karyerasını Türkiyə Super Liqasında davam etdirə bilər. "Qalatasaray" 29 yaşlı futbolçunu heyətinə qatmaq istəyir. İstanbul klubu təcrübəli mərkəz müdafiəçisinə yüksək məbləğdə maaş təklif etməyi planlaşdırır.
Qeyd edək ki, Andreas Kristensen 2022-ci ilin yayından "Barselona"da çıxış edir. Danimarka millisinin üzvü bu mövsüm Kataloniya təmsilçisinin heyətində meydana çıxdığı 17 rəsmi matçda 1 qol vurub.
