"Arsenal"ın yeni transferi zədələndi - 2 ay oynamayacaq
0
İngiltərənin "Arsenal" klubunun heyətində ciddi itki baş verib.
Sportal.az xəbər verir ki, London təmsilçisinin futbolçusu Noni Madueke sıradan çıxıb. Bu barədə "The Athletic" nəşri məlumat yayıb.
İngiltərəli vinger Premyer Liqanın 5-ci turunun "Mançester Siti" ilə matçında (1:1) dizindən zədələnib. 23 yaşlı ön xətt oyunçusu 2 ay yaşıl meydanlardan uzaq qalacaq.
Qeyd edək ki, "Arsenal" Noki Maduekeni bu ilin iyul ayında "Çelsi"dən 56 milyon avroya transfer edib. İngiltərə millisinin üzvü London təmsilçisinin heyətində 6 rəsmi matçda meydana çıxıb.
