"Arsenal" Fransa millisinin üzvü ilə müqavilə imzaladı - RƏSMİ
0
İngiltərənin "Arsenal" klubunda yeni müqavilə qeydə alınıb.
Sportal.az xəbər verir ki, Premyer Liqa nəhəngi Villiam Salibanın sözləşməsinin müddətini uzadıb. Bu barədə klubun mətbuat xidməti məlumat yayıb.
Fransa millisinin üzvü 2030-cu ilin yayına kimi London klubuna məxsus olacaq.
Qeyd edək ki, "Arsenal" Villiam Salibanı 2019-cu ilin yayında "Sent-Etyen"dən transfer edib. 24 yaşlı mərkəz müdafiəçisi bu mövsüm "topçular"ın heyətində meydana çıxdığı 6 rəsmi matçda 1 qol ötürməsi ilə yadda qalıb.
