"Real"ın stadionu tennisçilərin ixtiyarına veriləcək
0
"Real"ın ev oyunlarını keçirdiyi "Santyaqo Bernabeu" stadionu müvəqqəti olaraq təyinatını dəyişdirəcək.
Sportal.az xəbər verir ki, arena "Masters" tennis turnirinin ehtiyacları üçün istifadə olunacaq.
Arena 23-30 aprel tarixlərində İspaniya paytaxtı Madriddə təşkil olunacaq yarışa hazırlaşacaq tennisçilərin məşqi üçün uyğunlaşdırılacaq. Turnirin özü, əvvəlki kimi, "Kaxa Maqika" kompleksinin kortlarında keçiriləcək.
Stadion "Real"ın 21 və ya 22 apreldə keçirilməsi planlaşdırılan "Alaves"lə ev oyunundan sonra tennisçilərin ixtiyarına veriləcək. Bundan sonra Madrid klubu çempionatda səfər oyunları keçirəcək ki, bu da arenanın müvəqqəti olaraq futbol tədbirlərindən azad olmasına imkan verəcək.
