"Real"ın daha bir futbolçusu üçün mövsüm erkən bitdi - 3 ay oynaya bilməyəcək

Daha öncə xəbər verdiyimiz kimi, "Real"ın futbolçusu Ferlan Mendi İspaniya kubokunda "Barselona" ilə final matçında (2:3) zədələnib və matçı erkən tərk etməli olub.

Sportal.az xəbər verir ki, "Marca" nəşrinin yaydığı məlumata görə, əzələsində yırtıq olan fransız futbolçu 3 ay yaşıl meydanlardan kənarda qalacaq.

Qeyd edək ki, final matçında zədədələnən Antonio Rüdiger də bu gün əməliyyat olunub və mövsümü erkən bitirib.