"Qalatasaray"ın futbolçusu 2 klubun hədəfində
0
"Qalatasaray"ın futbolçusu Berkan Kutlu yanvar ayında komandadan ayrılacaq.
Sportal.az xəbər verir ki, türkiyəli yarımmüdafiəçisi iki klubun diqqət mərkəzindədir. Bu barədə "Fanatik" nəşri məlumat yayıb.
"Konyaspor" artıq Berkanla danışıqlara başlayıb. "Ağ-yaşıllar" 27 yaşlı oyunçuya 2,5 illik müqavilə və illik 400 min avro maaş təklif edib. Təcrübəli futbolçu ilə "Trabzonspor" da maraqlanır.
Qeyd edək ki, "Qalatasaray" Berkan Kutlunu 2021-ci ilin yayında "Alanyaspor"dan 4 milyon avroya transfer edib. Türkiyə millisinin sabiq üzvü bu mövsüm İstanbul təmsilçisinin heyətində meydana çıxdığı 9 rəsmi matçda 1 qol ötürməsi edib.
