"O, dünyanın ən yaxşı yarımmüdafiəçisi və ən çox qiymətləndirilməyən futbolçusudur"
"Real"ın müdafiəçisi Trent Aleksander-Arnold komanda yoldaşı Federiko Valverde haqqında danışıb.
Sportal.az xəbər verir ki, "Mançester Siti" ilə UEFA Çempionlar Liqasının 1/8 final mərhələsinin ilk oyununda (3:0) uruqvaylı futbolçu het-trik edib.
“Bunu bir neçə həftə əvvəl də demişdim və bu gün yenə təsdiqləndi. O, planetdə ən çox qiymətləndirilməyən futbolçudur və bu, artıq uzun illərdir belədir.
Mən onu burada olanda da görmüşdüm, indi isə onunla eyni paltardəyişmə otağını paylaşanda nə qədər ağıllı olduğunu, hamı üçün nə qədər fədakarlıq etdiyini və əsl komanda oyunçusu olduğunu görürəm.
Onun nümunəsi bizi də son həddə qədər çalışmağa sövq edir. Onunla yanaşı oynamaq inanılmazdır. İnsanlar mənimlə razılaşmaya bilər, amma bu mənim üçün fərq etmir, o, dünyanın ən yaxşı yarımmüdafiəçiləri siyahımın başındadır". – deyə Aleksander-Arnold "CBS Sports"efirində bildirib.
