"Neymar başqa bir dünyadan gəlir, o, yaxşı formada olduqda Braziliya üçün əvəzolunmazdır"
Kasemiro hesab edir ki, sağlam Neymar 2026 Dünya Çempionatında Braziliya yığmasının heyətində olmalıdır.
Sportal.az xəbər verir ki, "Mançester Yunayted"in braziliyalı futbolçusu öz açıqlamasında bunları qeyd edib:
"Mənə böyük futbolçularla oynamaq şərəfi nəsib olub. Mən Kriştiano ilə onun ən yaxşı dövründə oynamışam, hər toxunuşu qola çevrilirdi. Mən Luka Modriç, Toni Kroos, Marselo, Beyl, Benzema ilə oynamışam. Biz ümumilikdə 10-dan çox “Qızıl Top” qazanan insanlardan danışırıq, düzdür?
Dinləyin, Neymar da mütləq bu siyahıya düşür, elə deyilmi? Hər kəs istədiyini edir, həm meydanda, həm də meydandan kənarda. Mənim həyat tərzim fərqlidir, daha sakitdir, amma Neymarı hesaba qatmamaq olmaz, əgər o, yaxşı formada olsa. Fiziki və psixoloji baxımdan yaxşı vəziyyətdə olduğu zaman o, böyük fərqlə ən yaxşıdır. Mən ona heyranam.
Mən onu 12 yaşımda tanıyıram. O, həmişə başqalarından fərqlənib. Hər an matçın nəticəsini həll edə bilər. Neymarla oynamaq bir imtiyazdır. İnanılmaz bir oğlandır. Mən onun necə işlədiyini yaxşı bilirəm. Futbolda etdiyi hər şey təsadüf deyil, bunu yalnız istedadla əldə etmək mümkün deyil, işləmək, futbola özünü həsr etmək lazımdır. O, hər hansı milli komanda üçün əvəzolunmazdır. Əgər o, yaxşı formada olarsa, bizim üçün çox vacib olacaq, çünki o, başqa bir dünyadan gələn oyunçudur".
