"Eyni komitə, eyni protokol mətni, fərqli meyarlar" - "Atletiko"dan ironik reaksiya

"Atletiko"(Madrid) Federiko Valverdenin bir oyunluq diskvalifikasiyasına ironik reaksiya verib.

Sportal.az xəbər verir ki, "Real"ın yarımmüdafiəçisi derbidə Alex Baenaya qarşı kobud qayda pozuntusuna görə qırmızı vərəqə almış və RFEF tərəfindən 1 oyunluq cəza ilə cəzalandırılmışdı.

“Atletiko” isə oxşar epizodu xatırladıb: Oihan Sancet ("Athletik" Bilbao) “Barselona”ya qarşı matçda Fermín Lopezə qarşı eyni tip qayda pozuntusuna görə qırmızı almış, lakin 2 oyunluq diskvalifikasiya ilə cəzalandırılmışdı.

Maraqlıdır ki, hər iki epizod üzrə rəsmi protokolda eyni ifadə yer alıb: “topa oynamaq imkanı olmadan, həddindən artıq güc tətbiq etməklə rəqibin ayağına zərbə endirmək”.

Madrid klubu bu fərqi belə şərh edib:

“Azarkeşlər sakitcə istirahətə gedə bilər, forma rəngi və media səs-küyü qərarlara təsir etmir. Eyni komitə, eyni mətn, fərqli meyarlar."