"Çelsi"ni Fransa klubuna dəyişəcək
0
"Çelsi"nin hücumçusu David Datro Fofana karyerasını Fransada davam etdirəcək.
Sportal.az xəbər verir ki, "Strasbur" Fil Dişi Sahilindən olan futbolçunun keçidini həll edib. Bu barədə insayder Fabritsio Romano məlumat yayıb.
Liqa 1 klubu forvardı 5 aylıq icarəyə götürüb. Qısa müddət ərzində rəsmi açıqlama ediləcək.
Qeyd edək ki, "Çelsi" David Datro Fofananı 2023-cü ilin yanvarında "Molde"dən 12 milyon avroya transfer edib. 23 yaşlı hücumçu mövsümün ilk yarısını icarə əsasında "Fatih Karagümrük"də keçirib. O, İstanbul təmsilçisinin heyətində meydana çıxdığı 15 rəsmi matçda 8 qol vurub.
