"Bunu düşünmək belə, inanılmazdır" - dünya çempionatları tarixinin bombardiri olmaq ehtimalından danışdı
Fransa millisinin və “Real”ın(Madrid) hücumçusu Kilian Mbappe yayda keçiriləcək dünya çempionatında bütün zamanların ən çox qol vuran oyunçusu olmaq ehtimalından danışıb.
Sportal.az xəbər verir ki, 27 yaşlı hücumçu hazırda DÇ-də 12 qol vurub. Bu rekord Almaniya millisinin keçmiş hücumçusu Miroslav Klozeyə məxsusdur - 16 qol.
Mbappe “FOX Deportes”ə açıqlamasında bunları deyib:
“Dünya çempionatında bütün zamanların ən çox qol vuran oyunçusu olmaq üçün cəmi dörd qola ehtiyacım var? Bunu düşünmək belə inanılmazdır. Mənim üçün dünya çempionatı ən böyük yarışdır, bütün zamanların ən böyük oyunçuları arasında bir yarışdır. İnsanlar mənə belə bir turnirdə bütün zamanların ən çox qol vuran oyunçusu ola biləcəyimi deyəndə, sadəcə inana bilmirəm. Mən yalnız real şeylər haqqında düşünürəm: komandama qalib gəlməyə və yenidən finala çıxmağa necə kömək etmək olar".
