"Beşiktaş"da yeni müqavilə
0
Türkiyənin "Beşiktaş" klubunda yeni müqavilə qeydə alınıb.
Sportal.az xəbər verir ki, İstanbul təmsilçisi Kartal Kayra Yılmazın sözləşməsinin müddətini uzadıb. Bu barədə klubun mətbuat xidməti məlumat yayıb.
24 yaşlı yarımmüdafiəçi 2028-ci ilin yayına kimi "ağ-qaralar"a məxsus olacaq.
Qeyd edək ki, Kartal Kayra Yılmaz "Beşiktaş"ın yetirməsidir. Türkiyə U-21 millisinin sabiq üzvü bu mövsüm "qara qartallar"ın heyətində 8 rəsmi matçda meydana çıxıb.
