"Bayer"in futbolçusu ağır zədə aldı: mövsümü erkən başa vurdu
0
Almaniyanın "Bayer" klubunun heyətində ciddi itki baş verib.
Sportal.az xəbər verir ki, Leverkuzen təmsilçisinin futbolçusu Marten Terye sıradan çıxıb. Bu barədə klubun mətbuat xidməti məlumat yayıb.
Fransalı vinger Bundesliqanın 18-ci turunun Münhenqladbax "Borussiya"sı ilə matçında (3:1) ağır zədə alıb. Sağ ayağının axil vətəri qopan 27 yaşlı oyunçu mövsümün qalan hissəsində meydana çıxa bilməyəcək.
Qeyd edək ki, "Bayer" Marten Teryeni mövsümün əvvəlində "Renn"dən transfer edib. Fransa U-21 millisinin üzvü Bundesliqa təmsilçisinin heyətində meydana çıxdığı 20 rəsmi matçda 2 qol və 2 məhsuldar ötürmə ilə yadda qalıb.
