"Arsenal" legionerini komandada saxlayacaq
0
Braziliya millisinin müdafiəçisi Qabriel “Arsenal”da qalacaq.
Sportal.az “The Sun”a istinadən xəbər verir ki, “topçular” braziliyalı müdafiəçiyə yeni müqavilə təklif edib.
Tərəflər arasında ilkin razılıq əldə olub. Qabrielin hazırkı müqaviləsi 2027-ci il iyunun 30-na qədərdir. Ötən mövsüm braziliyalı İngiltərə Premyer Liqasının 28 matça çıxıb, 3 qol vurub, 1 asist ötürmə edib.
27 yaşlı futbolçu karyerası ərzində “Avai”, “Lill”, “Trua”, “Dinamo”(Zaqreb) klublarında oynadıqdan sonra 2020-ci ildə “Arsenal”a keçib.
