"Araz-Naxçıvan"ın yeni baş məşqçisi Bakıya nə vaxt gələcək? - komandanı o hazırlayacaq

"Araz-Naxçıvan"ın mövsümün ikinci yarısı üçün təlim-məşq toplanışının planları bəlli olub.

Sportal.az xəbər verir ki, Naxçıvan təmsilçisi yanvarın 5-də Bakıda toplanacaq və paytaxtda hazırlıq keçəcək.

Komandanın yeni təyin olunmuş baş məşqçisi Andrey Demçenko isə qış toplanışı zamanı Bakıya gələcək. Onun yanvarın ilk günlərində paytaxtımıza təşrif buyuracağı gözlənilir.

"Araz-Naxçıvan"ı mövsümün ikinci hissəsinə məhz ukraynalı hazırlayacaq.

Naxçıvan təmsilçisi təlim-məşq toplanışı zamanı iki yoldaşlıq oyunu keçirməyi planlaşdırır.

49 yaşlı veteran futbolçu ÇSKA(Moskva), “Ayaks”, “Metallurq”(Zaporojye), “İlyiçevets”, “Obolon”, “Daçiya” klublarında oynayıb. O, “Obod”, “Lvov”, “Metallist”(Xarkov), “Dila”(Qori), “Dinamo”(Batumi), “Jenis” klublarını çalışdırıb.