İnzagi "İnter"dən ayrıldı - Səudiyyə Ərəbistanına üz tutur
0
"İnter" baş məşqçi Simone İnzagi ilə yollarını ayırıb.
Sportal.az xəbər verir ki, italyan mütəxəssislə müqaviləyə qarşılıqlı razılıq əsasında xitam verilib. Bu barədə klubun mətbuat xidməti məlumat yayıb.
49 yaşlı məşqçinin Səudiyyə Ərəbistanı təmsilçisi "Əl-Hilal"ı çalışdıracağı gözlənilir.
Qeyd edək ki, Simone İnzagi 2021-ci ilin yayında "İnter"in baş məşqçisi təyin olunmuşdu. Komanda onun rəhbərliyi altında 1 dəfə İtaliya çempionu olub, 2 dəfə isə Çempionlar Liqasının finalında iştirak edib.
