Edin Ceko İtaliya klubunda - RƏSMİ
0
"Fənərbaxça"dan ayrılan Edin Cekonun yeni klubu bəlli olub.
Sportal.az xəbər verir ki, bosniyalı hücumçu karyerasını İtaliya A Seriyasında davam etdirəcək.
Ceko "Fiorentina" ilə anlaşıb. Bu barədə klubun mətbuat xidməti məlumat yayıb. 39 yaşlı forvard artıq Florensiya təmsilçisi üçün tibbi müayinədən keçib. Onunla 1+1 illik müqavilə imzalanacaq.
Qeyd edək ki, Edin Ceko ötən mövsüm "Fənərbaxça"nın heyətində meydana çıxdığı 53 rəsmi matçda 21 qol və 8 məhsuldar ötürmə ilə yadda qalıb.
